Chalamila ajitambulisha CCM Mkoa wa Dar

Mkuu wa Mkoa wa Dar es Salaam Mhe Albert Chalamila leo Mei 30, 2023 amekutana na Katibu wa CCM Mkoa Ndg Adam Ngalawa pamoja na watumishi na watendaji wa CCM kutoka Wilaya zote 5 za Mkoa huo Ofisi za CCM Mkoa wa DSM- Lumumba kwa lengo la Kujitambulisha.

Mhe Chalamila wakati wa Kujitambulisha amesema anamshukuru sana Mhe Rais Dkt Samia Suluhu kwa heshima na imani kubwa kwake ya kumuamini kumpatia nafasi hiyo ahadi yake nikufanya kazi kwa bidii ya kuwatumiki wananchi wa Mkoa huo.

Aidha RC Chalamila amekiahidi chama Mkoa kutoa ushirikiano wa kutosha kwa kuwa silaa kubwa ya mafanikio ni Ushirikiano " Nahitaji sana ushirikiano wa Chama cha CCM kuliko wakati wowote " Alisema RC Chalamila

Sambamba na hilo RC Chalamila amewatangazia Rasmi Viongozi hao wa Chama Mkoa kuhusu Ujio wa Ndege ya Mizigo inayotarajiwa kutua nchini Juni 3, 2023 ambayo imenunuliwa kwa pesa zetu Watanzania hivyo utaratibu utatolewa wana CCM wajitokeze kwa wingi katika mapokezi ya Ndege hiyo.

RC Chalamila amesema Ndege hiyo ya mizigo itakuza uchumi wa nchi kwa kuwa Ndege ya mizigo(Cargo) ni Utalii pia ni "branding" ya nchi