Babu Duni ajitoa kugombea Uenyekiti ACT- Wazalendo

Mwenyekiti wa Chama cha ACT – Wazalendo, Juma Duni Haji maarufu kama Babu Duni amejiondoa kwenye kinyang’anyiro cha uenyekiti ACT – Wazalendo na kumuunga mkono makamu wake, Othman Masoud Othman.

Babu Duni amejiondoa kutetea nafasi hiyo aliyokuwa akihudumu kabla ya muda wake kuisha leo Jumatatu Machi 4, 2024, ikiwa imesalia siku moja kabla ya Mkutano Mkuu wa ACT-Wazalendo utakaowachagua viongozi wakuu wa kitaifa.

Kabla ya hatua hiyo, umekuwepo mchuano mkali baina ya wawili hao, huku Babu Duni akilalamikia hujuma za watu waliokuwa wanamshinikiza ajiondoea kwa kuwa ni mzee na kitendo cha wenyeviti wa mikoa kumchukulia fomu mshindani wake.