ACT-Wazalendo waingia Zakiem na maandamano

Viongozi wakuu wa ACT- Wazalendo, wakiongozwa na Zitto Kabwe wameingia katika uwanja wa Zakhiem Mbagala kwa staili ya maandamo yaliyoanzia maeneo ya Mbagala Misheni hadi viwanjani.

Chama cha ACT- Wazalendo kimezindua rasmi mikutano ya hadhara leo Jumapili Februari 19, 2023 baada ya vyama vya CUF, Chadema na CCM kwa nyakati tofauti kufanya michakato hiyo katika mikoa ya Dar es Salaam, Mwanza, Mara na Morogoro.

Maandamano hayo yaliongozwa na vijana wa pikipiki maarufu bodaboda takribani 50 waliotangulia mbele huku viongozi wa ACT- Wazalendo akiwemo, makamu mwenyekiti Zanzibar, Othman Masoud akilazimika kutembea kwa miguu akiwa na viongozi wenzake hadi Zakheim.

Baada ya msafara wa viongozi viongozi hao wakuu kufika Mbagala Misheni, walishuka katika magari yao na kuungana na wanachama chama hicho, kutembea kwa miguu hadi Mbagala Zakhiem.

Msafara wa viongozi ukiongozwa na mwenyekiti wa chama hicho, Juma Duni Haji, makamu wake bara, Dorothy Semu ambapo walitumia barabara ya mabasi ya mwendokasi ili kuondoa usumbufu kwa watumiaji wa barabara