Wanafunzi wa Sudan bado wapo Muhimbili

Hospitali ya Taifa ya Muhimbili Juni 19, 2023 chini ya mkurugenzi wake Prof. Mohamed Janabi ilipokea wanafunzi wa udaktari kutoka nchini Sudan waliokuja kuendelea na masomo yao.

Wanafunzi hao walikimbia machafuko yanayoendelea nchini mwao kufuatia vita vya wenyewe kwa wenyewe ambapo uongozi wa hospitali ya taifa ya Muhimbili iliwapatia hifadhi mpaka pale machafuko yatakapokwisha.

ManaraTv imezungumza na Prof. Mohamed Janabi Mkurugenzi mtendaji wa Hospital ya Taifa ya Muhimbili ambapo pamoja na mambo mengine ilitaka kujua uwepo wa wanafunzi hao hapa nchini mpaka sasa.