Muhimbili kuhifadhi mayai wasiotaka kuzaa haraka

Mkurugenzi Mtendaji wa Hospitali ya Taifa Muhimbili (MNH), Profesa Mohamed Janabi amesema kuanzia Januari mwaka 2024 watafungua jengo linalohusika na huduma za upandikizaji mimba.

Pia, watatoa huduma ya kuhifadhi mayai kwa watu ambao hawahitaji kupata watoto kwa wakati husika.

Profesa Janabi ameyasema hayo jana Jumapili Disemba 10, 2023 katika hafla ya uzinduzi wa Profesa Jay Foundation iliyoambatana na harambee ya uchangiaji.