Tafiti mbalimbali za wataalamu wa lishe, zinaonyesha kwamba uwezo wa asali kutibu unaweza kuongezeka maradufu kama itachanganywa na mdalasini.
Asali inafahamika kama chakula muhimu kinachosaidia kupambana na magonjwa yatokanayo na uzee.
Tafiti mpya za wataalamu wa dawa lishe zimeonyesha kwamba asali inafahamika vyema duniani kama ‘silaha’ ya kiajabu katika kupigana na magonjwa mbalimbali.
Uchunguzi uliofanywa na jarida la World News kuhusu tiba, umeonyesha kuwa kuna umuhimu wa asali na mdalasini kuchanganywa pamoja.
Maumivu ya viungo vya mwili
Katika utafiti uliofanyiwa Chuo Kikuu huko Copenhagen, madaktari waliwapa wagonjwa 200 wa maumivu ya mwili, mchanganyiko wa kijiko kimoja cha asali na mdalasini kila asubuhi kabla ya kifungua kinywa.
