Zuchu amuogesha midola wifi yake Esma

Jana Februari 2, 2023 ndio ilikuwa siku ya kuzaliwa ya dada yake Diamond, Esma Platnumz na moja kati ya matukio yaliyopamba sherehe hizo ni pamoja na mpenzi wa Diamond, Zuchu kumwagia dola za kutosha wifi yake huyo.

Kwenye hafla hiyo ya bethidei, Diamond ambaye alikuwa amekaa meza moja na rafiki yake Haji Manara, aliinuka na kupewa kipaza sauti.

"Mimi mwenzangu alitamani tuje wote hapa mbele tumtuze dada yangu lakini jukumu hilo mimi nimempa yeye, amtunze wifi yake. Sasa hapo ndio tutaona anampenda wifi yake au anabania hela zangu," alisikika Diamond.

Baada ya kutoa kauli hiyo ya kishujaa, Zuchu alinyanyuka mahali walipokuwa wameketi, akaomba pochi yake na kuanza 'kumwagia' madola kama yote jambo ambalo lilizua shangwe la aina yake kwa wageni waalikwa wote.