Zuchu ameacha heshima, rekodi Simba Day

Mrembo kutoka WCB, Zuchu amejiwekea rekodi ya aina yake baada ya kufanya shoo ya nguvu kwenye tamasha la Simba Day.

Tamasha hilo lilifanyika kwenye Uwanja wa Mkapa jijini Dar ambapo, Zuchu aliingia kupitia kamba maalumu iliyofungwa juu ya uwanjani.

Aliposhuka kwenye kamba hiyo, Zuchu alianza kupafomu nyimbo zake huku katikati akichombeza kwa utani mbalimbali kwa wapinzani wa Simba SC, Yanga SC.

Kama hiyo haitoshi, Zuchu aliweza kuliteka majukwaa kwa kuzunguka uwanja huo kwa kuwaimbisha mashabiki akiwa anakimbia jambo ambalo si rahisi kulifanya kama huna pumzi ya kutosha.