Zuchu aanza mwaka na wiki la milioni 11

Si mara ya kwanza kwa msanii wa WCB Wasafi, Zuchu kujitapa kwa kuonesha baadhi bidhaa au vitu vya urembo anavyovimiliki vyenye thamani ya juu.

Kwa mara nyingine tena alitia guu katika mwaka wa 2024 kwa mishauo ya kipekee baada ya kudaiwa kununua wigi jipya lenye thamani ya dola za Kimarekani 4,500 – sawa na TZS milioni 11.

Kinyume na awali ambapo Zuchu mwenyewe ndiye alikuwa anawafahamisha mashabiki wake kupitia kurasa zake kwenye mitandao ya kijamii, safari hii ni muuza vito hivyo ghali ambaye alinadi kuwa mteja wake – Zuchu – amemuanzishia mwaka kwa kumfanyisha biashara moja safi.

Luxery Wings, kama anavyojiita katika mtandao wa Instagram alipakia kwenye instastory yao kwa kuweka risiti inayothibitisha mualama wa Zuchu kununua wigi hilo la bei ghali.

“Bosi wetu wa 2024, Zuchu, alinunua vito vyetu vya urembo vyenye thamani ya dola 4,500,” Luxery Wings waliandika kwenye risiti hiyo.

Itakumbukwa mwaka jana kando na kujinunulia mikufu ya dhahabu, pia mpenziwe Diamond Platnumz aliwahi mzawadia mkufu ghali wa shingoni kama zawadi ya mahaba kusherehekea mapenzi yao.

Pia mwaka huo huo Zuchu alijitapa mitandaoni kwa kununua gari lake aina ya Range Rover na kuonekana akipiga misele na familia yakem, akiwemo mamake katika siti vya mbele.

Katika mahojiano ya awali, Zuchu alisisitiza kwamba kuonyesha picha ya kuvutia ni hatua ya kimkakati muhimu katika kujenga chapa yake na kuvutia ushirikiano unaowezekana katika tasnia ya muziki yenye ushindani.