Zamaradi: Somo la Uzalendo limeshindikana Bongo?

Mtangazaji na mjasiriamali Bongo, Zamaradi Mketema amewashangaa wasanii wa Tanzania kutoumiza vichwa kupigania Tuzo kubwa na badala yake kubweteka na kuchekelea hata kama wakikosa tuzo hizo.

Zamaradi amesema kuwa ushindani wa wasanii wa Nigeria kuwania tuzo kubwa za muziki duniani ni mubwa ikilinganishwa na wale wa Tanzania na kwamba, mashabiki wa Tanzania wanachekelea wasanii wao wanapokosa Tuzo hizo jambo ambalo ni baya na linashusha tasnia ya muziki.

"Msanii wa Nigeria akikosa tuzo ama hata kushindwa kwenye shindano lolote unayaona kabisa maumivu ya Wanigeria, wananchi wao huumia kutoka moyoni, njoo huku kwetu sasa msanii akikosa tuzo ama shindano lolote ndio unapoishuhudia wazi furaha ya Watanzania.

"Kiufupi kushindwa kwetu kwa wasanii wetu ni furaha na vigelegele kwetu huku vicheko na na maneno ya dhihaka kusindikiza kushindwa kwao, hivi somo la uzalendo limekuwa gumu kiasi hiki Tanzania? Wenzetu wamewezaje!!? Nasisi Tulirogwa na nani!!?" amesema Zamaradi.