Wizkid aonekana hadharaani, ni muda mrefu baada ya kifo cha mama yake
Mwimbaji wa Nigeria aliyeshinda tuzo ya Grammy, Ayodeji Ibrahim Balogun, almaarufu Wizkid, amejitokeza hadharani kwa mara ya kwanza tangu kufariki kwa mama yake, Bi Jane Dolapo Balogun.
Ikumbukwe kuwa Bi Balogun alifariki mwezi uliopita katika Jimbo la Lagos na tangu tukio hilo, Wizkid, alibaki nje ya macho ya umma na nje ya mitandao ya kijamii.
Hata hivyo, Wizkid sasa amejitokeza hadharani kwa mara ya kwanza baada ya takriban mwezi mmoja katika hali ya mapumziko akiomboleza kifo cha mamake.
Kulingana na picha zinazosambaa kwenye mtandao, Wizkid alipigwa picha akiwa katika ukumbi wa The V&A jijini London, Uingereza, akihudhuria mwonekano wa faragha wa “Gabrielle Chanel Fashion Manifesto” Jumatano, Septemba 13, 2023.