Wizkid aahirisha ziara ya More Love, Less Ego

Msanii maarufu wa muziki nchini Nigeria, Ayodeji Ibrahim Balogun ‘Wizkid’ ametangaza kuahirisha Tamasha lake la More Love, Less Ego Tour hadi mwishoni mwa mwaka 2023.

Kupitia #Twitter na #Instagram, Wizkid ameandika; "Kwa sababu ya hali zisizotarajiwa, More Love, Less Ego Tour imeahirishwa hadi mwishoni mwaka 2023, Tiketi zote zilizonunuliwa zitapewa kipaumbele katika tarehe mpya".

#Wizkid alitarajiwa kuanza ziara hiyo Nchini Marekani Ijumaa Machi 3, 2023 kwenye ukumbi wa Houston’s Toyota Cente na angeikamilisha Aprili 7, 2023 katika ukumbi wa The Kia Forum in Los Angeles.

Hata hivyo, Wizkid atashiriki katika tamasha la uzinduzi la Afro Nation huko Miami, Mei 28, 2023 akimfuatia #BurnaBoy atakayeanza Mei 27, Wizkid pia ataungana na mastaa wengine kwenye tamasha la kwanza la Rolling Loud Germany Julai 2023.