Whozu: Vunjabei na Frank Knows walinilazimisha biashara ambayo siipendi

Mwanamuziki wa Bongo Flava, Whozu ameeleza sababu ya duka lake la nguo kufa miezi michache mbele tangu afungue. Kwenye interview na kipindi cha radio kiitwacho XXL cha #Cloudsfm jana Januari 18, 2023.

Whozu amedai kuwa hakufungua duka kwa mapenzi yake maana si biashara anayoimudu kuifanya, kilichotokea ni kuwa kaka zake, yani Fred Vunjabei na Frank Knows walimlazimisha kumfungulia duka ili naye afuate nyao zao za ufanyabiashara wa nguo.

Whozu amedai kwakuwa si biashara aliyokuwa akiiweza, ikamfia na hajawahi kutamani kabisa kufanya tena biashara hiyo. Whozu alikuwa kwenye kipindi hicho akitambulisha wimbo wake mpya unaoitwa VAVAYO aliomshirikisha #Marioo na tayari upo kwenye digital platforms zote.