Wema: Pumzika kwa amani mpenzi

Wema Isaac Sepetu; ni malkia wa Bongo Movies ambaye wakati f’lani alikuwa maarufu kuliko wengine wote ameadhimisha miaka kumi tangu kifo cha aliyekuwa mpenzi wake, Steven Kanumba.

Wema amefufua kumbukumbu zake na Kanumba baada ya kuposti picha zake na jamaa huyo na kuandika; “Siwezi kuamini muongo umepita..muongo hivo tu..Rest easy Booboo…” Wema na Kanumba walichumbiana kabla ya kutengana katika hali tatanishi.

Katika kipindi cha mahusiano yao, Wema alipata ujauzito mara mbili na kuutoa kila mara, jambo ambalo anaamini linamwathiri hadi wa leo.

Kanumba alifariki dunia Aprili 7, 2012, wakati huo alikuwa anachumbiana na mwigizaji Elizabeth Michael au Lulu ambaye alishtumiwa kuhusika na kifo chake na kushtakiwa kwa kosa la jaribio la mauaji.