Watoto wa Diddy watoa ya moyoni

Watoto wa gwiji wa muziki, Sean ‘Diddy’ Combs wanasema mwezi uliopita uliiumiza familia yao kufuatia kukamatwa kwa biashara ya ngono, utekaji nyara, ulaghai na mashtaka mengine.

Mwanawe mkubwa, Quincy alikashifu shutuma dhidi yake na kueleza uungaji mkono wao wa pamoja kwa baba yao katika wakati huu mgumu.

Aliandika: Mwezi uliopita umeharibu familia yetu. Wengi wamemhukumu yeye na sisi kwa msingi wa shutuma, nadharia za njama, na simulizi za uwongo ambazo zimezidi kuwa upuuzi kwenye mitandao ya kijamii. Tunasimama kwa umoja, kukuunga mkono kila hatua. Tunashikilia kweli, tukijua atashinda, na hakuna kitakachovunja nguvu ya familia yetu. TUNAKUKUMBUKA & TUNAKUPENDA BABA’

Ujumbe huo uliambatana na picha ya familia ya watoto wote saba: Diddy, mama wa mtoto wake mdogo, Dana Tran, na mama yake, Janice Combs.

Kwa sasa Diddy yuko gerezani akisubiri kufikishwa mahakamani kwa mashtaka yanayohusiana na biashara ya ngono, ulaghai na usafirishaji ili kujihusisha na ukahaba. Pia anakabiliwa na mashtaka kadhaa kutoka kwa watu ambao wamemtuhumu kwa ubakaji na unyanyasaji wa kijinsia kwa miongo kadhaa.