Watatu wakamatwa kwa mauaji ya AKA

Takriban wanaume watatu wameripotiwa kukamatwa kuhusiana na mauaji ya Rapper wa Afrika Kusini, Kiernan Forbes maarufu kama AKA yaliyotokea Februari 10, 2023.

Kulingana na IOL, chanzo kilicho karibu na uchunguzi wa mauaji ya rapper huyo kilisema washukiwa hao walikamatwa na polisi mjini Cape Town siku ya Jumapili baada ya kuwafuatilia kwa wiki nzima.

Chanzo hicho pia kilisema washukiwa ambao wako chini ya ulinzi wa polisi watafikishwa Durban ambapo wanatarajiwa kufunguliwa mashtaka.