Watanzania wanapenda kutafuta ubaya kuliko uzuri - S2Kizzy

Mtayarisha midundo Bongo, S2Kizzy amesema Wabongo wengi wanapenda kutafuta ubaya wa mtu au kitu kuliko kuangalia uzuri wa mhusika.

S2Kizzy amefunguka hayo alipokuwa akifanya mahojiano na Wasafi Fm ambapo alisema jambo hilo sio zuri kwani linarudisha nyuma jitihada za wasanii kufanya vizuri.

"We angalia juzi hapa Diamond alitoa wimbo wa Baby, hakuna hata mmoja aliyeuzungumzia, watu walikuwa kimya. Lakini juzikati alipotoa wimbo mwingine, akatokea mtu amesema amekopi basi huo ndio ukawa mjadala wa taifa, watu wanapenda mabaya kuliko mazuri," alisema S2Kizzy.

Prodyuza huyo alisema, ni wakati wa wasanii wa Kibongo kusikiliza na kuthubutu kufanya muziki wa kimataifa kwa kubadili hata lugha ili kuweza kuliteka soko la kimataifa.