Wasanii wanamchukulia Fid Q kama Mungu hatakiwi kuchanwa – Edu Boy (+video)

Wakati ngoma yake mpya ‘Tunasafisha’ ikiendelea kufanya vizuri, msanii wa muziki Bongo, Edu Boy amefafanua mstari ambao alimchana Fid Q.

Rapper huyo katika ngoma yake hiyo kuna mstari unasema; Game noma mpaka Fid ame-shake, ashukuru remix isingekuwa fresh/

Edu Boyo ameeleza kuwa baadhi ya wasanii wamekuwa wakimuogopa Fid Q kumchana lakini yeye ameeleza kile ambacho amekiona katika ngoma ya Fresh ila si kwa ubaya.

“Ni wimbo ambao kafanya na Diamond, Rayvanny ni wasanii wakubwa na umekuwa mkubwa, nikamuambia kishukuru kile kitu na sio kwa ubaya tu ila watu wanachukulia Fid Q kama vile Mungu hatakiwi kuambiwa,” amesema Edu Boy.