Wasanii wa Hollywood watangaza mgomo mkubwa wa kihistoria

Waigizaji wa filamu za Hollywood wametangaza kujiunga na mgomo unaoendelea wa wasanii wa filamu kwenye tasnia iliyofungiwa zaidi kwa zaidi ya miaka 60.

Chama cha Waigizaji (SAG) kinawataka wasanii wakubwa wa kanda za moja kwa moja kukubali mgao mzuri wa faida na mazingira bora ya kufanya kazi.

Baadhi ya wasanii 160,000 wataacha kazi usiku wa manane.

Kusimama kwao kufanya kazi kunamaanisha kuwa idadi kubwa ya filamu na utayarishaji wa TV za Marekani utasimama.

Nyota Cillian Murphy, Matt Damon na Emily Blunt waliondoka kwenye onyesho la kwanza la Oppenheimer ya Christopher Nolan mjini London Alhamisi usiku wakati mgomo huo ulipotangazwa.

Mgomo huo wa SAG unaanza saa sita usiku saa za Los Angeles (08:00 BST). Maandamano yataanza Ijumaa alfajiri nje ya makao makuu ya California ya Netflix, kabla ya kuelekea Paramount, Warner Bros na Disney.

Muungano huo - unaojulikana rasmi kama Chama cha Waigizaji -Shirikisho la Wasanii wa Televisheni na Redio Marekani, au SAG-AFTRA - pia unataka uhakikisho kwamba akili bandia (AI) na nyuso na sauti zinazozalishwa na kompyuta hazitatumika kuchukua nafasi za waigizaji.