Wasafi wamtambulisha D-Voice

Lebo ya WCB Wasafi imemtambulisha Msanii D-Voice kama Msanii wao mpya katika Lebo hiyo maarufu nchini.

D-Voice alitamba na nyimbo kadhaa zilizopikwa katika mahafhi ya Singeli kama vile Madanya ya mke wangu alioshirikiana na Meja Kunta na miezi kadhaa iliyopita alitamba na ngoma yake inayoitwa "Kuachana Shilingi Ngapi".

CEO wa WCB, Diamond Platnumz ambae ndie aliemtambulisha msanii huyo ametangaza kuwa Msanii huyo atatambulisha album yake usiku wa leo.

Diamond anasema Msanii huyu asili yake ni muziki wa singeli japo katika album yake kuna nyimbo mchanganyiko.