Kiba, Nandy
Mwaka ukiwa unaelekea ukingoni, wasanii wanaofanya vyema katika gemu ya Bongo Fleva, Diamond Platnumz, Ali Kiba na Stamina, wanatajwa kuwa miongoni mwa wasanii walioapata mafanikio makubwa zaidi katika jukwaa la kustream muziki la BoomPlay.
Kwa mujibu wa taarifa kutoka kampuni hiyo, wasanii wa kiume walioingia tatu bora kwa albamu zao kuwa streamed mara nyingi zaidi kwa mwaka 2021 (Most Streamed Male Artists 2021), Rayvanny na Mbosso kutoka Wasafi wameshika nafasi ya kwanza na ya pili, huku Ali Kiba akishika nafasi ya tatu.
Kwa upande wa wasanii wa kike ambao nyimbo zao zimekuwa streamed mara nyingi zaidi kwa mwaka 2021 (Most Streamed Female Artists 2021), kwa mara ya pili mfululizo mwanadada kutoka Usafini, Zuchu ameshika nafasi ya kwanza, Nandy akishika nafasi ya pili huku Anjella kutoka Konde Gang akishika nafasi ya tatu.
Kwa upande wake, Stamina ‘Shorobwenzi’ kupitia albamu yake ya Paradiso, amewatoa kimasomaso wasanii wa Hip Hop baada ya albamu hiyo iliyotoka Novemba 2021, kupata ‘streams’ zaidi ya milioni moja kwenye platform ya Boomplay ndani ya wiki moja tu tangu kuachiwa kwake, jambo ambalo halijawahi kutokea kwa wasanii wa Hip Hop nchini.
Taarifa hiyo inazidi kuongeza kwamba kati ya EP tano zilizotolewa kupitia Boomplay, Stamina ndiye anayeongoza na kuonesha kwamba kumbe hata wasanii wa kuchana nao wanaweza kushindana na kupata mafanikio makubwa kama wenzao wanaoimba.
Matarajio ya Boomplay, App namba moja ya kusikiliza na kupakua muziki iliyo chini ya Kampuni ya Transsnet Music Limited kwa mwaka 2022 ni kwamba muziki wa Tanzania utapaa zaidi katika anga za Kimataifa na kuleta heshima kwa sanii wa Bongo.
Boomplay ina matawi katika nchi za Nigeria, Ghana, Kenya na Ivory Coast na unaweza kuipata kwa kupakua programu hiyo tumishi inayopatikana kwenye simu kupitia Google Play Store kwa Android, App Store kwa iOS na kwenye wavuti kupitia www.boomplay.com.
Oktoba 2021, Boomplay ilitia saini ya ushirikiano mkubwa na Billboard, ambapo takwimu za kusikiliza muziki katika App ya Boomplay ziliongezwa kwa takwimu za chati hizo maarufu duniani na kuupeleka muziki wa Bongofleva juu zaidi kimataifa.