Wapo wasanii wanajiita swala, nyani, tembo - Fella

Mmoja wa mameneja wa Diamond Platnumz, Mkubwa Fella amefunguka sababu ya msanii wake huyo kuonekana nyimbo zake zinawahi kuingia trending ya YouTube.

Fella amefunguka baada ya stori kusambaa mitandaoni na hata kwenye baadhi ya vyombo vya habari kuwa, Diamond ananunua views na kulipia ili apate trending kwenye mtandao huo na mitandao mingine ya digital platforms.

"Tulimshauri Diamond watu wote wanashindana na wewe endelea kusimamisha radio yako waachie washindane wenyewe, halafu tuone wataenda wapi.

"Sasa wao walikaa kimya wakasubiri Diamond awaongoze. Wasanii wengine wanajiita swala, nyani na tembo," amesema Fella bila kutaja jina la msanii yoyote.