Wakenya wamuomboleza mwimbaji Roger Whittaker

Wakenya wanaomboleza kifo cha mwimbaji mzaliwa wa Kenya mzaliwa wa Kenya Roger Whittaker, ambaye anasifika sana nchini humo kwa wimbo wake wa mwaka wa 1982 wa My Land is Kenya.

Whittaker, ambaye amefariki akiwa na umri wa miaka 87, alizaliwa Nairobi na wazazi wa Waingereza.

Alitumia miaka miwili ya utumishi wa kitaifa kukabiliana tishio la mashambulizi ya Jeshi la Ardhini na Uhuru la Kenya, au Mau Mau, kabla ya kuwa mwalimu.

Alipohamia Uingereza, alianza kucheza gitaa na kuimba katika vilabu vya watu.

Aliuza karibu rekodi milioni 50 kote ulimwenguni wakati wa kazi yake ya muziki ya miongo kadhaa, kulingana na tovuti yake.

Lakini nchini Kenya ni wimbo kuhusu alikozaliwa na kukulia ambao unajulikana sana - mara nyingi huchezwa kwenye TV wakati wa likizo za kitaifa pamoja na nyimbo zingine za kizalendo.

Katika My Land is Kenya, anasifu “nchi ninayoipenda… ardhi niliyozaliwa” kwa utunzi kutoka moyoni.

“[Roger Whittaker] ameacha nyuma kipande cha sanaa cha ajabu ambacho kinafaa kuigwa. Kenya inapoadhimisha miaka 60 ya uhuru mwaka huu, Roger Whittaker atakuwa milele sehemu ya historia yetu ya muziki,” Edward Mwasi alisema kwenye mtandao wa kijamii wa X (zamani Twitter).

"Apumzike kwa Amani, aliandika muziki mzuri wenye maneno ya dhati, ikiwa ni pamoja na The Last Farewell na My Land is Kenya," katibu mkuu wa zamani wa maswala ya kigeni Macharia Kamau alisema.