Wakazi amlipua Diamond "Umefeli Kimataifa"

Msanii maarufu na mwanaharakati ambaye pia ni mwanasiasa, Webiro Wakazi Wasira amemlipua supastaa wa Bongo Fleva, Diamond Platnumz akidai kuwa ameshashindwa kushindana na wasanii wakubwa kimataifa badala yake amerudi Bongo kupambana na hasimu wake Alikiba.

Kauli hii ya Wakazi inakuja ikiwa ni siku chache baada ya Diamond kuonekana akitupiana vijembe na Alikiba huku akiwataka wasanii wa Tanzania wawe wamoja jambo ambalo Wakazi ameonekana kukerwa nalo.

"NASIBU USIPOTOSHE WATU, KWA KUPINDISHA UKWELI NA KUONGEA UNAFIKI. Nimeona clip ya interview yako. Maelezo yako sio sahihi kuhusu soko la muziki la nje, na nashangaa wewe kujidai unahubiri unity na kutokatishana tamaa baada ya wewe mwenyewe kusanda huko "international... kabla ulikuwa kimya kama sio perpetrator mwenyewe.

"Muziki wa Tanzania haujaanza kufanya vizuri sasa hivi, infact sasa hivi ndio unafanya vibaya zaidi historically, maana wewe ndio Number 1 artist, lakini hata kujaza watu elfu 6 ughaibuni kimbembe, Waafrika wanaweka Historia duniani wewe umerudi kupambana na Ali Kiba.

"Mimi binafsi nilikuwa nakukubali kwa nidhamu yako ya kazi (work ethics) na uthubutu, ila sasa umekuwa miyeyusho. Tunaelewa na kuheshimu kwamba umekuwa mfanyabiashara... maybe ndio imekuathiri upande wa muziki na huo ushindani usio na tija ambao huko duniani hamuwezi upeleka umepelekea kutaka kutia huruma.

"Ngoja nimalizane na maswala ya Chama (ACT Wazalendo) na pia ku post kazi za Wasanii ambao wanafanya Sanaa kwa Level ya juu kwanza, alafu nitarudi kudadavua nachomaanisha kwa kutumia hiyo clip yako and beyond. Beberu," amesema Wakazi.