Wakali wa Nigeria kupimana ubavu tuzo za iHeartRadio

Kituo cha iHeartRadio kimeanika wazi vipengele vya Tuzo zake za Muziki ambapo kwa mwaka huu kuna kipengele kipya kimeongezwa, ni Afrobeats Artist of the Year.

Kwenye kipengele hicho kipya, wakali toka nchini Nigeria; Burna Boy, CKay, Tems, Wizkid na Fireboy DML wametajwa kuchuana.

Ni kama marudio tu ya Soul Train Awards 2022, ambapo wasanii hao hao watano walitajwa kwenye vipengele tofauti tofauti vya Tuzo hizo kubwa zinazotolewa na kituo cha Televisheni cha BET.