Vijana wajizika kaburini wakiwa hai kutafuta 'views' mitandaoni
Katika miaka ya hivi karibuni, matumizi ya mitandao ya kijamii yamekuwa yakiongezeka, hasa miongoni mwa vijana wanaotafuta pesa na video wanazoweka kutazamwa na idadi kubwa ya watu walioungana nao kwenye mitandao ya kijamii.
Baadhi ya vijana hawa hutengeneza video na vitendo vya kutisha ili kuvutia watu.
Moja ya matukio ya kustaajabisha zaidi ni kwamba mtu hujizika kaburini akiwa hai na kukaa humo kwa saa nyingi.
Vitendo hivi vimewahi kufanywa na vijana wanaotumia YouTube kutoka Amerika na Ulaya, lakini siku hizi kuna mazungumzo mengi kwenye mitandao ya kijamii ya MwanaYouTube maarufu wa Kisomali, ambaye kwa kufuata mfano wa vijana hao, alijizika kaburini.
Hapa tunaangalia baadhi ya vijana hao waliojizika wakiwa hai kaburini ili kuvutia watu wanaowafuata kwenye mitandao yao ya kijamii.
Jimmy Donaldson
Jimmy Donaldson, anayejulikana zaidi kama Mr Beast, ni MwanaYouTube ambaye hufanya mambo mengi ya ajabu katika video zake.
Baadhi ya video zake ni hatari sana lakini angalau watu milioni 30 hutazama kila video. Wengine hata walifikia milioni 100.
Bw Beast alijizika kwenye jeneza kwa saa 50 na kurekodi tukio hilo kwa wafuasi wake milioni 57 kwenye YouTube.
Alikaa kaburini kwa zaidi ya siku mbili. 'Bwana Beast' alitumia saa 50 akiwa hai kwenye jeneza baada ya kuzikwa akiwa hai.
Kamera iliwekwa ndani ya jeneza na jaribio hilo la dakika 12 likapakiwa kwenye YouTube.
MrBeast aliwaambia watazamaji wake kuhusu uzoefu wake na akakiri kwamba alikuwa akizuia mkojo wake.
Pia alikuwa akiwasiliana mara kwa mara na marafiki zake waliokuwa pale.
Uzoefu huo haukuwa rahisi kwani alianza kuhisi maumivu na hofu baada ya siku.
"Mgongo wangu unauma na nilianza kuogopa sana, kulegea na kuumwa na kichwa. Pia nilinuka," alisema MrBeast kwenye video hiyo.
Lakini mwishowe, kijana huyo mwenye umri wa miaka 22 alipitisha saa 50, hofu na hisia zilionekana usoni mwake alipotolewa kaburini.
Jeneza ambalo Mohamed Bahçecik aliwekwa akiwa hai lilijengwa kwa vifaa kama vile vifaa vya uchunguzi wa matibabu na oksijeni.
Katika hali ya dharura, pia kulikuwa na ambulensi hatua chache kutoka ambapo MwanaYouTube huyu alizikwa kwa hiari yake.
Isitoshe, kifaa hicho kilikuwa na redio, kamera na vifaa vingine ambavyo vingeripoti hali yake kwa daktari aliye nje ya kaburi.
Hatimaye, baada ya kuwa chini ya ardhi kwa saa sita, alitolewa nje kwa lifti.
Baada ya kitendo hicho, Bahçecik alisema: "Nilijifunza jinsi maisha yalivyo mazuri au jinsi yalivyo matamu."
“Nilipoingia kaburini, nilifikiria hali ya wapendwa wangu wote waliozikwa kaburini,” aliongeza.
"Nina furaha sana kwamba ninaweza kupumua kwa urahisi sasa kwa sababu kwa saa 6, nilikuwa nikipumua kupitia mirija ya oksijeni. Niligundua kuwa maisha ni kitu kizuri sana. Sijawahi kuwa na hofu hivi kabla."