Video Queen afunguka: Sijawahi kumuona Fahyvanny

Mrembo ambaye anauza sura kwenye video mbalimbali za wasanii, Dolly Restie, amefunguka kuwa licha ya kuwa maarufu kwenye video mbalimbali lakini hajawahi kukutana na staa mwenziye ambaye ni mzazi mwenziye Rayvanny, Fahvanny.

Dolly ambaye ameuza sura kwenye Love ya Bob Junior na Te Quiero ya Rayvanny, amesema, pengine labda yeye sio mtu wa kutembea ndio maana hajawahi kukutana live na Fahvanny.

"Hata sijawahi kumuona kwa kweli hatuna bondi yoyote zaidi ya kumuona kwenye mitandao ya kijamii, anavaa vizuri ananivutia sana," alifunguka kupitia kipindi cha Refresh cha Wasafi TV.

Mrembo huyo amekiri kuwa wamekuwa wakifananishwa sana kwenye page mbalimbali na Fahvanny.