Vanessa Mdee achafukwa madai ya Rotimi kuchepuka

Msanii maarufu wa muziki Tanzania Vanessa Mdee, ambaye kwa sasa makazi yake huko Atlanta nchini Marekani, amejikuta kwenye wakati mgumu baada ya shabiki wa mtandaoni kuchukua msimamo mkali kuhusu uhusiano wake na mpenzi wake, Rotimi.

Vanessa, ambaye alikuwa akipigia promo project mpya wa Rotimi kwenye ukurasa wake wa mtandao wa kijamii, alikabiliwa na maoni kutoka kwa shabiki anayejulikana kama Amydiasss.

Amydiass alionyesha wasiwasi wake juu ya uamuzi wa Vanessa kuacha kazi yake ya muziki ili kumuunga mkono Rotimi.

"Binti, ukweli kwamba umeacha kazi yako na kuwa mtu wa hype wa jamaa huyu, na hata hatakuoa, ni mambo ya kusikitisha kwa kweli. Ninaamini utapata njia ya kurudi kwenye kile unachokipenda. Ulijitoa kabisa kwa ajili yake. Simama,” shabiki huyo alisema.

Vanessa alisema hivi kuhusu hilo: “Nitamuunga mkono mume wangu kwa furaha na kuwalea watoto wetu na kutetea kwa furaha kile ninachopenda. Dada yangu, maisha sio mitandao ya kijamii. P.S.: Hundi za mrahaba bado zinakuja."

Lakini shabiki huyo aliendelea, akitoa madai ya ukafiri kwa upande wa Rotimi.

“Najua kiukweli anakulaghai, nakuonea huruma sana. Haustahili wewe kutupa kazi yako kwa sababu anadakunganya. Na yeye sio mume wako. Bado hajakuoa. Natumai utafanya vizuri mwishowe kwa sababu unastahili kuwa bora zaidi. Yeye ni mlevi wa ngono na wa ajabu. Nyie mnacheza kikamilifu kwa mitandao ya kijamii,” shabiki huyo alisema.

Hii si mara ya kwanza kwa Vanessa kukabiliwa na uchunguzi mtandaoni kuhusiana na uhusiano wake na Rotimi.

Mnamo 2020, alikanusha madai ya kushambuliwa na Rotimi, akisema mpenzi wake hajawahi kumtia kibao. Pia alikanusha madai kuwa mpenzi wake alikuwa na historia ya kuwashambulia wanawake.

“Sitaonewa kwenye mitandao ya kijamii; I will not be that person Wanahabari wataandika kitu juu yangu alafu nitabaki kimya. Team yangu ya social media, imenijuza kuhusu comments kutokana na watu kusema kuwa Rotimi ananipiga, ati ni mtu ambaye anapiga wanawake,” Vanessa alisema.

Alieleza zaidi kwamba uvumi kuhusu madai ya kushambuliwa ulitokana na chapisho lililotolewa na mpenzi wa zamani wa Rotimi, ambaye alikuwa amemshutumu mpenzi wake wa zamani (si Rotimi) kwa kumpiga.

Vanessa ambaye aliwahi kuwa kwenye mahusiano ya muda mrefu na Jux alifikia hatua ya kutishia hatua za kisheria dhidi ya yeyote anayejaribu kuharibu sifa yake na ya Rotimi.