Ushoga wa Nandy, Tanasha umekolea!

Msanii wa Bongo Fleva, Faustina Charles Mfinanga 'Nandy' na msanii wa muziki kutoka Kenya, Tanasha Dona, wameendeleza urafiki wao kwa kuwa karibu zaidi.

Taarifa za kidaku zinaeleza kuwa, wawili hao wamekuwa wakishirikishana michongo yao na mara kwa mara Nandy amekuwa akienda Kenya au Tanasha akiibuka Bongo kwa ajili ya kuendeleza urafiki wao pamoja na biashara.

Tanasha alikuwa mpenzi wa Diamond na walifanikiwa kupata mtoto mmoja kisha wakamwagana. Tanasha na Diamond walifanikiwa kufanya ngoma ya pamoja, Gere ambayo ilifanya vizuri kabla wawili hao hawajaachana.

Kwenye ukurasa wa Instagram, Nandy ametupia picha akiwa pande za Kenya akiwa amepokewa na mrembo huyo ambapo pamoja na mambo mengine, Nandy alipiga shoo pande hizo.