“Upo Nyonyo” ya Saraphina yamkuna Rais Samia

Msanii aliyewahi kuwa mshindi wa Bongo Star Search mnamo mwaka 2018, Saraphina Michael (alimaarufu kama “SARAPHINA”) amepata nafasi ya kutumbuiza leo Desemba 7, 2022 katika mkutano mkuu wa Chama Cha Mapinduzi, CCM uliofanyika katika Ukumbi wa Mikutano wa Jakaya Kikwete (JKCC) uliopo mkoani Dodoma.

Msanii huyo wa mziki wa kizazi kipya ametumia Remix ya Wimbo wake uliotamba sana kwa kusikilizwa na kupendwa na watu wengi unaofahamika kwa jina la “UPO NYONYO” pamoja na wimbo mwingine wenye maudhui ya Kukisifu Chama kuweza kuwapatia burudani walengwa wote waliohuzuria katika tukio hilo.

Mkutano huo ulijumuisha uwepo wa Mwenyekiti wa Chama mwenyewe Rais Dkt. Samia Hassan, makamu wake Dkt. Philip Isdor Mpango, Katibu muenezi wa Hitikadi za chama Shaka Hamdu Shaka, Wanaowania nafasi za ujumbe pamoja na wageni waalikwa wengine.