Ukiomba mke mwema unaletewa single mother – Dimpoz

Staa wa Bongofleva toka RockStar Africa na Sony Music Entertainment Africa, Ommy Dimpoz amedai sasa ukiomba mke mwema unapata single mother.

Kauli ya Ommy Dimpoz inakuja miezi michache tangu kufariki aliyekuwa mpenzi wake, Maya Mia.

“Sasa hivi kuna tatizo la kiufundi duniani, yaani ukiomba mke mwema unaletewa single mother,” ameandika Ommy Dimpoz katika Insta Story yake.

Utakumbuka katika maisha yake Ommy Dimpoz hajawahi kufunga ndoa yoyote ile.

Kwa sasa utajiri wa Ommy Dimpoz ukadiriwa kufikia Dola2 milioni, wastani wa Sh4.6 bilioni, data hizi zinatoka kwake mwenyewe ambaye alitoka kimuziki mwaka 2012 na kushinda tuzo ya KTMA kama Msanii Bora Chupukizi.