Trevor Noah aijaza O2 Arena siku tatu mfululizo

Mchekeshaji kutoka Afrika Kusini, Travor Noah amefanya Show tatu mfululizo huko England 02 Arena (Tarehe 23-25)

Kwa mujibu wa Trevor Noah kwenye siku tatu za show hizo jumla ya watu 50, 000 waliingia.

"London, ninashukuru sana na hakika sitawahi kusahau siku hizi 3 katika O2 kuwa pamoja nanyi. Kulikuwa na watu 50000 kwenye maonyesho lakini ilionekana kama klabu ya karibu," amesema Trevor Noah.

Kwa mujibu wa vyanzo mbalimbali show mbili kati ya tatu Trevor Noah alifanikiwa kuuza tiketi zote, yaani alijaza watu katika Arena hiyo yenye uwezo wa kuingiza watu 20, 000.

Kabla ya Show hizi tayari Trevor Noah amewahi kujaza mara tatu 02 Arena hivyo ameendelea kuacha alama kwa kuwa yeye ndio Msanii pekee kutoka Afrika aliyejaza watu mara nyingi O2 Arena.