Tiwa Savage kwenye penzi jipya

Staa wa muziki kutoka Nigeria Tiwa Savage ndiye anaimiliki mitandao ya kijamii kwa sasa nchini humo baada ya kuonekana na mpenzi mpya ambaye mpaka sasa haijulikani ni nani.

Wawili hao wameonekana juzi katika moja ya fukwe zilizopo mjini Rio de Janeiro nchini Brazil, Tiwa anaonekana mwenye furaha na mahaba ya kutosha kwenye hili penzi jipya.

Hii inakuja ikiwa ni siku chache baada ya video yake kusambaa ikimwonyesha Tiwa akiwa amemkumbatia dereva bodaboda katika viunga vya jijini Rio, jambo lililoibua mjadala.

Tiwa Savage amekuwa akifahamika kwa kuwa kimya na usiri mkubwa kuhusu mahusiano yake tangu kuachana na Tunji Balogun maarufu kama Teebillz ambaye ni baba wa mtoto wake.

Mwaka 2021, Tiwa Savage alikuwa kwenye mahusiano na bilionea wa mafuta, Abolo Beckham ambaye anaishi nchini Ghana. Lakini, uhusiano wao ulivunjika baada ya jamaa huyo kusambaza video ya utupu ya Tiwa.