Tiffah ataka dada wa kazi afukuzwe mara moja

Binti kifungua mimba wa Diamond Platnumz na mwanamitindo Zari Hassan, Tiffah ametaka mfanyakazi wa ndani wa nyumbani kwao nchini Afrika Kusini kufutwa kazi mara moja kisa kumuita jina lake kwa kufoka.

Katika video fupi ambayo ilipakiwa kwenye ukurasa wa Instagram, binti huyo alikuwa akizungumza na mama yake, Zari alikuwa akimuuliza ni nini kilimchukiza na binti wa watu kwa madaha ambapo alijibu kuwa tabia ya dada huyo wa ndani haikumfurahisha.

Alimtaka mama yake kuchukua hatua la sivyo afikishe suala hilo kwa baba'ke (Diamond Platnumz).

“Nah hakuna anayetakiwa kuniita hivyo.... naipokeza na menejimenti. Meneja wa tawi katika SA au sivyo nitaipandisha ofisi kuu Tanzania,” alisema Tiffah.

Zari alimuuliza binti yake pendekezo angetaka lichukuliwe, binti Tiffah alidamka kwa kusisitiza kwamba angependa mjakazi huyo kufutwa kazi.

“Afutwe kazi!” Tiffah alisema.

Hata hivyo, mamake alimtaka kuchukua uamuzi toafauti wa kujaribu kumfikia mfanyakazi huyo na kumuongelesha jinsi angependa awe akimwiita badala la kumfokea.

Lakini mtoto huyo alisisitiza kwamba uamuzi wake wa kutaka mjakazi kufutwa kazi ndio wa mwisho na angetaka utekelezwe na mamake la sivyo atafikisha malalamishi kwa babake Diamond, nchini Tanzania.