Tanzia: Mwanamuziki Hussein Jumbe 'Mzee wa Nachechemea' afariki Dunia

Msanii mkongwe wa muziki wa dansi nchini, Hussein Jumbe amefariki dunia leo, April 10, 2023.

Kwa mujibu wa mtu wa karibu wa marehemu na mdau mkubwa wa muziki wa dansi, Said Mdoe, Jumbe amefikwa namauti mchana wa leo katika Hospitali ya Amana jijini Dar es Salaam alikokuwa akipatiwa matibabu.

Jumbe aliyeitwa Mzee wa Dodo na Mtumishi aliwahi kupitia bendi za Tabora Jazz, Mara Jazz, Urafiki Jazz, DDC Mliman Park ‘Sikinde’ na TOT Band, Juwata Jazz na Mikumi Sound.

Habari ambazo Tanzaniaweb zimetufikia ni kwamba, Jumbe alikuwa akisumbuliwa na kifua na vidonda vya tumbo kwa muda mrefu.

Mwanamuziki huyo mkongwe atakumbukwa kwa nyimbo nyingi alizozitunga baadhi zikiwa ni Nachechemea, Nani Kaiona Kesho, Isaya, Mapenzi ya Siri, Nyumba ya Urithi, Kiapo na nyingine nyingi.