Ahoufe 2Pac enzi za uhai wake
Mwigizaji wa Tiktoker nchini Ghana, Sylvester Agyemang 'Ahuofe' ama Tupac Shakur wa Ghana amefariki dunia huu chanzo cha kifo chake kikigubikwa na utata mwingi.
2Pac wa Ghana ambaye alijiunga na TikTok, mnamo Juni 2022, alijikusanyia haraka zaidi ya wafuasi zaidi ya 100,000 katika miezi miwili mifupi, na kuwa mmoja wa watu maarufu na mashuhuri kote katika anga ya mtandaoni ya Waghana na Waafrika.
Katika hali ya kushangaza ambayo imeibua sintofahamu, imeripotiwa kuwa Ahoufe 2Pac, alifariki dunia baada ya kuugua ugonjwa ambao bado haujatajwa na mamlaka husika.
lakini kulingana na ripoti za awali, Ahoufe 2Pac alikuwa akipambana na ugonjwa kwa muda kabla ya kuugua. Hata hivyo, uchunguzi wa hivi karibuni wa meneja wake kwa @Gentletheblogger kwenye Twitter umeibua maswali mengi kuliko majibu.
Meneja wa Ahoufe 2Pac amethibitisha kuwa nyota huyo maarufu wa TikTok alilishwa sumu.
Taarifa za kifo chake zimeleta mshtuko mkubwa katika jamii ya mitandao ya kijamii ya Ghana na mataifa mengi ya Afrika, huku watu wengi wakitoa salam za rambirambi na masikitiko yao kwenye mitandao mbalimbali ya kijamii.
Ahoufe 2Pac alikuwa mtu maarufu mtandaoni anayejulikana kwa video zake za kusisimua kwenye TikTok. Alikuwa amejikusanyia wafuasi wengi kwenye jukwaa hilo, akiwa na wafuasi zaidi ya milioni 3.9 kwenye akaunti yake rasmi ya TikTok, @ahaufe_.
Marehemu Ahoufe 2Pac alikuwa akiishi Kumasi katika eneo la Ashanti nchini Ghana hadi kifo chake cha ghafla. Alijulikana kwa mtindo wake wa kipekee, ucheshi, na ubunifu, ambayo ilimfanya apendwe na mashabiki wengi.
Bado haijulikani ni nani anayeweza kuwa nyuma ya sumu hiyo au nia ya kitendo hicho. Polisi bado hawajatoa taarifa rasmi kuhusu suala hilo.
Kwa mara ya mwisho, Ahoufe 2Pac alikuwa hewani kwenye TikTok juzi, Machi 29, na pia alikuwa amechapisha baadhi ya machapisho. Kifo chake cha ghafla kimewaacha mashabiki na wafuasi wake katika mshangao na kutoamini.
Mashabiki wake wengi wamejitokeza kwenye mitandao ya kijamii kueleza rambirambi zao, huku wengi wakimtaja kuwa ni kijana mwenye kipaji na kipawa ambacho mchango wake katika tasnia ya burudani nchini Ghana utakumbukwa sana.
Habari za kifo cha Ahoufe 2Pac bila shaka zimeshtua na kuhuzunisha wengi, na mawazo na sala zetu ziko pamoja na familia yake na wapendwa wake katika kipindi hiki kigumu.