Tajiri Murdoch kuoa kwa mara ya tano

Tajiri wa vyombo vya habari mwenye umri wa miaka 92 ‘Rupert Murdoch’ amemchumbia Elena Zhukova (67) mpenzi wake, kwa mujibu wa taarifa zilizotolewa. Hii itakuwa ndoa yake ya tano kwa tajiri Rupert Murdoch.

Harusi itafanyika katika shamba la mizabibu na shamba la Murdoch, Moraga, huko California nchini Marekani. Gazeti la New York Times liliripoti kwamba Zhukova, mwanabiolojia aliyestaafu wa molekuli kutoka Moscow, ana umri wa miaka 67. Walianza mahusiano yao kipindi cha majira ya joto (Summer Time).

Ndoa ya awali ya Murdoch na Jerry Hall ilimalizika kwa talaka mnamo 2022 baada ya miaka sita ya ndoa yao.Murdoch ni mmiliki wa vyombo vya habari kama Sky, Fox, Fox Entertainment Group, Sky Italia na vingine vingi na kwa mujibu wa Forbes yeye ni tajiri namba 71 Duniani. .