Steve Nyerere hataki kufananishwa na Manara

Mchekeshaji maarufu na msanii wa Bongo Movie, Steven Mengere 'Steve Nyerere' amesema ni makosa kumfananisha au kujaribu kumlinganisha na msemaji wa Yanga (aliyefungiwa) Haji Manara kwa sababu zama zake zimepita.

Akifanya mahojiano na Global TV Online hivi karibuni, Nyerere alianza kwa kusema hamfahamu Manara lakini alipokumbushwa kwamba alikuwa Yanga ndipo aliposema, zama zake zimepita.

"Unaongelea zilipendwa, mimi ni mkubwa nipo sasa...usiulize kuhusu mtu ambaye ni wa zamani," alisema Steve.