Steve Nyerere awachana mastaa

Msanii maarufu wa Bongo Movies, Steve Nyerere amewachana mastaa wenzake hasa kuhusu pesa na umaarufu.

Akizungumza na waandishi wa habari mapema leo, Steve Nyerere ambaye ni Mkurugenzi wa Taasisi ya Mama Ongea na Mwanao, amewasema wasanii na watu maarufu wanajisahau kwa kutrend, kujipost wakichezea pesa na kushindwa kusaidia watu katika jamii yao kama fadhila.

Steve Nyerere amesema hayo wakati akizindua kampeni mpya ya #MamaMvisheViatu2022 ambayo imezinduliwa rasmi kwa ajili ya kusaidia watoto wa shule kwenye mahitaji ya viatu na nguo.