Steve Nyerere: MwanaFA hakumaanisha hatafeli kunishughulikia mimi

Steven Mengere 'Steve Nyerere' amepangua mishale ya wanaomuhusisha kwenye kauli ya Mhe Naibu Waziri wa Utamaduni, Sanaa na Michezo Hamis Mwijuma MwanaFA kuwa Hataki Kufeli!

Akitolea ufafanuzi jinsi ambavyo yeye ameielewa kauli hiyo, Steve Nyerere alisema, MwanaFA amesema Hataki Kufeli kwenye kuiongoza sekta hiyo ya sanaa ambayo ina changamoto lukuki.

"Amesema hataki kufeli kwenye kuwasaidia wasanii wa sarakasi, wasanii wa muziki kufika mbali, hakusema hataki kufeli kwa mimi Steve Nyerere," alisema Steve Nyerere alipokuwa akizungumza na Clouds FM.

Steve Nyerere aliingia kwenye vita ya maneno miaka kadhaa iliyopita mara baada ya Steve kuteuliwa kuwa Msemaji Msemaji wa Shirikisho la Muziki Tanzania na MwanaFA kupinga hilo na Steve alijiuzulu nafasi hiyo.

Jumapili iliyopita, Rais wa Jamhuri ya Muungano, Samia Suluhu Hassan, alimteua MwanaFA kuwa Naibu Waziri wa Utamaduni, Sanaa na Michezo.