Staa wa 'The Fast and Furious' kwenda Zanzibar kula bata

Huenda staa wa muziki na filamu kutoka nchini Marekani aliyejizolea zaidi umaarufu kupitia filamu ya The Fast and Furious, Tyrese Gibson akasheherekea siku yake ya kuzaliwa akitimiza miaka 45 visiwani Zanzibar.

Kupitia ukursa wake wa Instagram, Tyrese ameweka video ikionyesha vijana wa Zanzibar wakiruka na picha yake baharini na kumkaribisha kutembelea visiwani humo ambapo ameandika ujumbe unaosema “Tutaonana hivi karibuni Zanzibar, mipango yangu ya kusheherekea miaka 45 ya kuzaliwa imekaa sawa."

Ujumbe mwingine alioweka ulioambatanishwa na video hiyo ulisema “Sitaamini mpaka nione hii kwa macho yangu…. Zanzibar Afrika!!!!! Siwezi kusubiri."