Staa wa Bollywood ajivinjari Tanzania

Staa kutoka tasnia ya filamu nchini India (Bollywood) @ananyapanday ambaye aliigiza kwenye filamu ya ‘Call Me Bae’ na mshindi wa tuzo za ‘Film-fair Award for Best Female Debutant of the Year’ 2022 na ‘Most Stylish Leading Entertainer of the Year - Female 2024’, ameposti picha mbalimbali akiwa anavinjari katika Hifadhi ya Ngorongoro nchini Tanzania.

Ananya, ambaye alitajwa kwenye orodha ya ‘50 Most Desirable Women’ ya The Times of India mwaka 2020 akiwa nafasi ya 31, ana wafuasi zaidi ya Milioni 25 kwenye mtandao wa Instagram.

Posti yake ya safari hii ilishapata watazamaji zaidi ya 500,000 ndani ya muda mfupi.

Mchezaji huyo wa filamu anajulikana pia kutiokana na filamu maarufu kama ‘Student of the Year 2’ na komedi ya ‘Pati Patni Aur Won’, ambavyo vimechangia kwa kiasi kikubwa kumpatia umaarufu na tuzo mbalimbali.

Safari ya Tanzania ya Staa huyo imevutia vyombo mbalimbali vya habari vya kimataifa kama Times of India na tovuti za filamu kama ‘InstantBollywood’.