Serikali yawakopesha sh milioni 850 wasanii

Wasanii Irene Uwoya, Jacquline Wolper, JB, Bushoke, Ray Kigosi, DJ Ally B, Mzee Yusuph na wengine usiku huu wamekabidhiwa hundi za mikopo yao waliyokuwa wameomba kupitia Wizara ya Utamaduni, Sanaa na Michezo.

Makabidhiano hayo yamefanyika leo February 3 Dar es salaam wakati Waziri wa Habari, Utamaduni na Michezo Mohamendy Mchengerwa akipokea taarifa ya Vazi la Taifa na Mdundo wa Taifa kutoka kwa Kamati aliyoiunda, pamoja na kukabidhi mikopo hiyo kwa Wasanii ikiwa ni awamu ya pili na jumla ya mkopo uliotolewa leo ni Milioni 850 kwa Wasanii 40 huku Wasanii 10 wakiwawakilisha wengine.

Irene Uwoya amenukiliwa akisema “Hela haitoshi, hata uwe na Mamilioni, Matajiei wengine wakubwa wanakopa Mimi ni nani?”

Kwa upande wa Wasanii wengine wamepongeza Serikali pamoja na Wizara kwa kufanikisha mikopo hiyo.