Serikali yatoa zaidi ya Bil. 5 kukuza sanaa Mbeya

Serikali kupitia Wizara ya Utamaduni Sanaa na Michezo imetoa zaidi ya billioni 5 kwa Mfuko wa Sanaa na Utamaduni Nchini, kwa ajili ya kuwawezesha wasanii wa Sanaa mbalimbali Mkoani Mbeya zitakazo tolewa kama mikopo nafuu kwa wasanii hao Ili kuboresha kazizao kuwa za ushindani.

Akizungumza na wasanii Mkoani Mbeya mtendaji Mkuu wa Mfuko wa Sanaa na Utamaduni ulio chini ya Wizara ya Utamaduni Sanaa na Michezo, Nyakaho Mahemba amesema serikali ya awamu ya sita chini ya Rais Dkt Samia Suluhu Hassan, imedhamilia kuboresha kazi za sanaa kwa kuanza kuwawezesha wasanii mitaji ya kufanya kazi zao, ambapo hadi Sasa tayari mikopo nafuu ya zaidi ya billioni moja imetolewa kwa wasanii mbalimbali hapa Nchini.

Victoria Shao ni Afisa Utamaduni Mkoa wa Mbeya, amesema fedha hizo zitasaidia kukuza Sanaa za wasanii wa Mbeya wapatao zaidi ya mia tano, huku baadhi ya wasanii wakieleza namna fedha hizo zilizo tolewa na serikali zitakavyo wasaidia kukusa kazi za sanaa kutoka Mkoa wa Mbeya.