Serikali kuandaa mazishi ya mwimbaji Tshala Muana

Serikali ya Jamhuri ya Kidemokrasia ya Congo itaandaa mazishi ya mwimbaji Tshala Muana aliyefariki mwishoni mwa juma akiwa na umri wa miaka 64.

Waziri wa utamaduni, sanaa na urithi siku ya Jumatatu alimtembelea mwandani wa Tshala Muana, Claude Mashala, ambako alitoa tangazo hilo.

Tshala Muana alikuwa maarufu kwa nyimbo kadhaa kama vile Karibu Yangu, Malu na Tshianza.

Alikuwa amezuru nje ya nchi, akashinda tuzo kadhaa katika eneo la kitaifa, bara na kimataifa na alikuwa amerekodi zaidi ya albamu 20.