Serena Williams na mumewe wapata mtoto mwingine

Nyota wa mpira wa Tennis wa Marekani, Serena Williams pamoja na mumewe Alexis Ohanian wamejaaliwa kupata mtoto wa pili.

Serena (41) alitangaza ujauzito huo mwezi Mei mwaka huu kupitia mtandao wa Instagram na leo kupitia mtandao wa TikTok ametangaza ujio wa mtoto wao huyo wa pili ambaye pia ni wa kike.

Nyota huyo vilevile ametaja jina la mtoto huyo kuwa ni Adira River Ohanian. Mwaka 2016 familia hiyo ilijaaliwa kupata binti mtoto wa kwanza aliyepewa jina la Olympia.