Samklef amuwashia moto Banky W kifo cha Mohbad

Mtayarishaji na mwimbaji mkongwe wa muziki kutoka Nigeria, Samuel Oguachuba, almaarufu Samklef, amemshutumu afisa mtendaji wa muziki Banky W kwa uonevu na dhulma ambayo amekuwa akiwafanyia wasanii.

Samklef alidai kuwa Banky ametengeneza utamaduni wake wa kupotezea kila jambo muhimu kwenye tasnia ya muziki ya Nigeria.

Mwimbaji huyo alidai kuwa Banky yuko kimya kuhusu haki kwa marehemu rapa Mohbad, ambaye inadaiwa alikufa baada ya kudhulumiwa na lebo yake ya zamani, Marlian Music, kwa sababu bosi huyo wa EME pia amewahi kuwadhulumu wasanii wake wa zamani, hivyo maeamua kuwa kimya kwenye hili la Mohbad kwa sababu ndiyo michezo yake.

Samklef alitoa madai hayo kupitia ukurasa wake wa X siku ya Jumanne akisema amemsamehe Banky W lakini ameamua kuzungumza ili wengine wajifunze.

Aliandika, “Banky W, mtu ambaye alianzisha utamaduni wa kughairi mwaka wa 2012 na mmoja wa marafiki zake huko Soundcity… Sasa ni mchungaji lol.

"Wasanii wenzangu, ni wakati wa kuuungana na kushiriki uzoefu wetu kwenye hili! Usisite! Wengi wao wamekaa kimya kuhusu jambo hili ni kwa sababu wanafahamu mazingira yao walivyoshiriki kwenye hili? Hawakuwa tu wajeuri kama Naira Marley!

"Nimesamehe lakini bado nitasimulia hadithi yangu ili watu wengine wajifunze."