Ruth Madoc enzi za uhai wake
Mwigizaji na msanii wa muziki Ruth Madoc amefariki akiwa na umri wa miaka 79, wakala wake amethibitisha katika taarifa yake.
Wakala wake alisema alifariki Ijumaa alasiri hospitalini baada ya kufanyiwa upasuaji wa kuanguka kwake mapema wiki. Phil Belfield wa wakala wa talanta Belfield & Ward Ltd alimtaja kama “mmoja wa wenye kipaji cha kipekee aliyependwa na wengi”.
Jana mwigizaji huyo alichapisha taarifa kwenye ukurasa wake wa Instagram akizungumzia kilichotokea. Ilisomeka: “Kufuatia ajali mapema wiki hii, na baada ya tathmini ya matibabu, kwa masikitiko Ruth Madoc hawezi tena kuonekana kwenye pantomime ya mwaka huu ya Aladdin kwenye ukumbi wa michezo wa Princess huko Torquay.”
Ruth alimalizia kwa kuongeza: “Niko sawa na hivi karibuni nitarejea katika hali ya kawaida.” Gold Channel iliandika kwenye Twitter: “Sote tumehuzunishwa sana kujua kwamba Ruth Madoc amefariki.