Ruby hataki kusikia habari za Amapiano

Mwimbaji wa Bongofleva, Ruby amefunguka kwanini hajafanya muziki wa Amapiano hadi sasa licha ya wasanii wengi Bongo kufanya.

Akizungumza katika Podcast ya Lil Ommy, Ruby amesema hajafanya kutokana muziki huo umekuwa kama yeboyebo!.

“Kwa sababu ilikuwa kila sehemu, mimi nitakuja na kitu cha tofauti kipi?, sio kwamba siwezi kufanya tofauti, lakini ni kitu niliona tayari kimekuwa kama yeboyebo, kila mtu anataka kuvaa” amesema Ruby.

Ikumbukwe muziki wa Amapiano ulianza mwaka 2012 huko Gauteng nchini Afrika Kusini, hata hivyo, kumekuwa na utata ni wapi hasa asili ya muziki huo nchini humo.

Wapo wanaodia ulianzia katika vitongoji vya Johannesburg – Soweto na kisha kusambaa kote hadi sasa umejipatia umaarufu Afrika na baadhi ya maeneo duniani.