Rubani Amkera Meek Mill Kisa Bangi

RAPPER maarufu kutoka Philadelphia nchini Marekani, Meek Mill ameingia kwenye headlines baada ya video yake aliyo share kupitia insta story yake ikimuonesha akiwa ndani ya ndege huku akionekana kukerwa na kauli ya rubani kudai kuna kijana alikua akivuta bangi katika usafiri huo.

Kauli hiyo ilionekana kupingwa na mkali huyo wa Hip-Hop ambaye aliamua kumtolea uvivu na kumwambia rubani afungue mlango ashuke kwenye ndege hiyo.

Meek alidai kuwa rubani huyo alionesha kitendo kinachoashiria ubaguzi wa rangi (racism) baada ya kumtuhumu kijana mmoja kuwa alikuwa anavuta bangi ndani ya ndege hiyo kitu ambacho Meek Mill amedai sio kweli.